တရားရုံးအသုံးပြုသူများအတွက် ဝန်ဆောင်မှုဆိုင်ရာ ဆင့်ပွားသင်တန်း ဖွင့်လှစ်ခြင်း

       တရားရုံးအသုံးပြုသူများအတွက် ဝန်ဆောင်မှုဆိုင်ရာဆင့်ပွားသင်တန်းကို ၂၀၂၄ ခုနှစ်၊ နိုဝင်ဘာလ (၉)ရက်နေ့၊ နံနက် (၀၉:၀၀) နာရီအချိန်တွင် ကရင်ပြည်နယ်တရားလွှတ်တော်၊ အစည်းအဝေးခန်းမ၌ ဖွင့်လှစ်ခဲ့ရာ ကရင်ပြည်နယ်တရားလွှတ်တော် တရားသူကြီးချုပ် ဒေါ်ခင်ဆွေထွန်းက သင်တန်းဖွင့် အမှာစကားပြောကြားပါသည်။
     အဆိုပါ သင်တန်းဖွင့်ပွဲသို့ ပြည်နယ်တရားလွှတ်တော်တရားသူကြီးများ၊ ပြည်နယ်တရားရေးဦးစီးမှူး နှင့် ပြည်နယ်တရားလွှတ်တော်၊ ခရိုင်/ မြို့နယ်တရားရုံးတို့မှ သင်တန်းသား တရားရေးအရာရှိ  (၁၉) ဦး နှင့် တရားရုံးဝန်ထမ်း (၄၄) ဦး တို့ တက်ရောက်ခဲ့ပါသည်။

        သင်တန်းတွင် ပြည်နယ်တရားရေးဦးစီးမှူးရုံးမှ ဒုတိယညွှန်ကြားရေးမှူး ဒေါ်ခင်နီနီအေးနှင့် ကြာအင်းဆိပ်ကြီးခရိုင်တရားရုံးမှ ခရိုင်တရားသူကြီး  ဦးမောင်မောင်သက်လွင်တို့က တရားရုံးအသုံးပြုသူများအတွက် ဝန်ဆောင်မှုဆိုင်ရာများကို  Power Point ဖြင့် သင်ကြားပို့ချပေးခြင်း၊ Group အလိုက် ဆွေးနွေးခြင်း နှင့် ပြန်လည်ဆွေးနွေးခြင်းတို့ ပြုလုပ်ခဲ့ပါသည်။