သတင်းများ

ကရင်ပြည်နယ်တရားလွှတ်တော်တရားသူကြီးချုပ်မှ မာလာဖူးကုန်ထုတ်စခန်း (မြိုင်ကလေး)အား သွားရောက် ကြည့်ရှုစစ်ဆေးခြင်း
Post Image Post Image Post Image Post Image Post Image Post Image Post Image Post Image Post Image Post Image Post Image Post Image Post Image Post Image

        ကရင်ပြည်နယ်တရားလွှတ်တော်တရားသူကြီးချုပ် ဦးသိန်းကိုကိုသည် ၂၀၂၁ ခုနှစ်၊ ဇွန်လ (၂၉) ရက်နေ့ နံနက် (၀၉:၅၀) နာရီအချိန်တွင် ပြည်နယ်တရားလွှတ်တော်မှ ပြည်နယ်တရားရေးဦးစီးမှူး ဒေါ်ခင်စန်းဝင်း၊ လက်ထောက်ညွှန်ကြားရေးမှူး ဦးနိုင်ဝင်းစိုးတို့ လိုက်ပါလျှက် ဘားအံမြို့၊ မာလာဖူး ကုန်ထုတ်စခန်း(မြိုင်ကလေး)သို့ ပြည်ထောင်စုတရားလွှတ်တော်ချုပ်၏ ညွှန်ကြားချက်အမှတ် (/၂၀၁၃)နှင့်အညီ သွားရောက်ကြည့်ရှုစစ်ဆေးခဲ့ရာ စခန်းတာဝန်ခံအရာရှိ ဦးမြင့်ဦးက ဧည့်ခန်းမဆောင်တွင် စခန်း၏လုပ်ငန်းတာဝန်များ၊ စီမံခန့်ခွဲရေး၊ ထောက်ပံ့ရေးဆိုင်ရာများ၊ အကျဉ်းသားများ၏ အခြေအနေ၊ နေထိုင်စားသောက်မှု၊ ကျန်းမာရေးဆိုင်ရာ စောင့်ရှောက်မှုနှင့် သောက်သုံးရေရှိသုံးစွဲမှုတို့ကို ရှင်းလင်းတင်ပြခဲ့သည်။ ဆက်လက်၍ ပြည်နယ်တရားလွှတ်တော် တရားသူကြီးချုပ်က အကျဉ်းသားများအား ဥပဒေပါအခွင့်အရေးများရရှိခြင်း ရှိ/မရှိ၊ နေရာထိုင်ခင်း သက်သာချောင်ချိမှု ရှိ/မရှိ၊ သန့်ရှင်းသပ်ရပ်မှု ရှိ/မရှိ၊ စားသောက်ရာတွင် အာဟာရသင့်တင့်မျှတမှု ရှိ/မရှိ၊ ကျန်းမာရေးပြည့်စုံမှု ရှိ/မရှိ၊ ကျန်းမာရေးမကောင်းပါက ဆေးကုသခွင့်ရှိ/မရှိ၊ နှိပ်စက် ညှင်းပမ်းမှု၊ မတရားပြုမှု ရှိ/မရှိ၊ ပြင်ပနှင့် ဆက်သွယ်ပေးခြင်း ရှိ/မရှိ၊ ဘာသာရေးကိုးကွယ်ခွင့် ရှိ/မရှိတို့နှင့်စပ်လျဉ်း၍ မေးမြန်းကာ အကျဉ်းသားများ၏ အိပ်ဆောင်၊ ကျန်းမာရေးဆေးပေးခန်း၊ စားဖိုဆောင်၊ ဧည့်တွေ့ခန်းနှင့် စာကြည့်တိုက်တို့အား  လှည့်လည်ကြည့်ရှုစစ်ဆေးပြီးနောက် လိုအပ် သည်များကို မှာကြားခဲ့သည်။

နှစ်စဉ် အစီအရင်ခံစာ