ကရင်ပြည်နယ်အစိုးရအဖွဲ့မှ ကြီးမှူးကျင်းပသော ရွှေယဉ်မျှော်ပြည်တော်ဧစေတီ ၁၃၈၅ ခုနှစ်၊ကဆုန်လပြည့်နေ့ ပဲဆွမ်းလောင်းလှူပွဲနှင့် စတုဒိသာ အလှူတော်မင်္ဂလာ အခမ်းအနားကို (၃- ၅- ၂၀၂၃) ရက်နေ့ မွန်းလွဲ (၁၅:၀၀) နာရီခန့်က ဘားအံမြို့၌ ကျင်းပရာ ပြည်နယ်တရားလွှတ်တော်တရားသူကြီးချုပ် ဝဏ္ဏကျော်ထင် ဒေါ်ခင်ဆွေထွန်း၊ ပြည်နယ်တရားလွှတ်တော် တရားသူကြီး ဒေါ်ခင်စိမ်းဝင်းနှင့် ဦးညွန့်လင်း၊ ပြည်နယ်တရားရေးဦးစီးမှူး ဒေါ်နွဲ့နွဲ့ဦး နှင့် ပြည်နယ်တရားလွှတ်တော်၊ ဘားအံခရိုင်/ မြို့နယ်တရားရုံးတို့မှ တရားရေးအရာရှိများနှင့် ရုံးဝန်ထမ်းများ တက်ရောက်ပြီး သံဃာတော်များ၊ သာမဏေများနှင့် သီလရှင်များအား အလှူတော်ငွေ၊ အချိုရည်ဘူး၊ ရေသန့်ဘူး နှင့် ပဲဆွမ်းတို့ကို လောင်းလှူ ဆက်ကပ်ခဲ့ပါသည်။
ဆက်လက်၍ ပြည်နယ်တရားလွှတ်တော်တရားသူကြီးချုပ်သည် ပြည်နယ်တရားလွှတ်တော်တရားသူကြီးများနှင့်အတူ ကဆုန်လပြည့် ဗုဒ္ဓနေ့ စတုဒိသာကျွေးမွေးလှူဒါန်းခြင်း အခမ်းအနားသို့ တက်ရောက်ပြီး ပြည်နယ်တရားလွှတ်တော်မှ ရွှေရင်အေးဖြင့် ကျွေးမွေးလှူဒါန်း ကုသိုလ်ပြုခဲ့ပါသည်။