တရားရုံးကဦးဆောင်သည့် စေ့စပ်ဖြေရှင်းရေးစနစ်ဆိုင်ရာသင်တန်း (၁/၂၀၂၄) ဖွင့်လှစ်ခြင်း

           တရားရုံးကဦးဆောင်သည့် စေ့စပ်ဖြေရှင်းရေးစနစ်ဆိုင်ရာသင်တန်း (၁/၂၀၂၄) ကို ကရင်ပြည်နယ်တရားလွှတ်တော်၊ အစည်းအဝေးခန်းမတွင် ၂၀၂၄ ခုနှစ်၊ ဖေဖော်ဝါရီလ (၁၈)ရက်နေ့ နံနက် (၀၉:၀၀) နာရီအချိန် ဖွင့်လှစ်ခဲ့ရာ ပြည်နယ်တရားရေးဦးစီးမှူး ဒေါ်နွဲ့နွဲ့ဦးနှင့် ပြည်နယ်တရားလွှတ်တော်၊ စေ့စပ်ဖြေရှင်းရေးဌာနမှ တာဝန်ခံ စေ့စပ်ဖြေရှင်းရေးအရာရှိ ဒုတိယညွှန်ကြားရေးမှူး ဒေါ်သက်သက်ဦးတို့က စေ့စပ်ဖြေရှင်းရေးဆိုင်ရာသိကောင်းစရာများကို ဆွေးနွေးပို့ချခဲ့ပါသည်။

            အဆိုပါသင်တန်းသို့ ပြည်နယ်တရားလွှတ်တော်၊ ခရိုင်/ မြို့နယ်တရားရုံးတို့မှ တရားရေးအရာရှိများနှင့် ရုံးဝန်ထမ်း သင်တန်းသား/ သူ (၅၀) ဦးတို့ တက်ရောက်ခဲ့ပါသည်။