ပြည်နယ်တရားလွှတ်တော်မှ (၂၈) ကြိမ်မြောက် ဝါဆိုလပြည့် (ဓမ္မစကြာအခါတော်နေ့) ဆွမ်းဆန်စိမ်းလောင်းလှူ

           (၂၈) ကြိမ်မြောက် ဝါဆိုလပြည့် (ဓမ္မစကြာအခါတော်နေ့) ဆွမ်းဆန်စိမ်း လောင်းလှူ ပူဇော်ပွဲအခမ်းအနားကို ၂၀၂၅ ခုနှစ်၊ ဇူလိုင်လ (၉)ရက်နေ့၊ ၁၃:၀၀ နာရီအချိန်တွင် ဘားအံမြို့၊ သေဋ္ဌမာရ်အောင်ဘုရားကြီး၌ ကျင်းပသည်။

           အဆိုပါ အခမ်းအနားသို့ ပြည်နယ်တရားလွှတ်တော်တရားသူကြီးချုပ်နှင့် ဇနီး၊ ပြည်နယ်တရားလွှတ်တော်တရားသူကြီးများ၊ ပြည်နယ်တရားရေးဦးစီးမှူးနှင့်ပြည်နယ်တရားလွှတ်တော်မှ ဒုတိယညွှန်ကြားရေးမှူးများနှင့် လက်ထောက်ညွှန်ကြားရေးမှူးများ၊ ဘားအံ၊ ကော့ကရိတ်၊ ဖာပွန် နှင့် ကြာအင်းဆိပ်ကြီးခရိုင်/ မြို့နယ်တရားရုံးတို့မှ တရားသူကြီးများနှင့် ရုံးဝန်ထမ်းများ တက်ရောက်ခဲ့ကြပါသည်။

           အခမ်းအနားတွင် ပြည်နယ်တရားလွှတ်တော် တရားသူကြီးချုပ် ဦးညွန့်လင်းနှင့် ဇနီး၊ ပြည်နယ်တရားလွှတ်တော်တရားသူကြီး ဒေါ်ခင်စိမ်းဝင်း၊ ပြည်နယ်တရားလွှတ်တော် တရားသူကြီး ဒေါ်နွဲ့နွဲ့ဦး၊  ပြည်နယ်တရားရေးဦးစီးမှူး ဒေါ်ခင်ပြုံးရီနှင့် တရားရေးအရာရှိများ၊ တရားသူကြီးများနှင့် ရုံးဝန်ထမ်းတို့က ရဟန်း၊ သာမဏေနှင့် သီလရှင် (၃၉၁၈)ပါးတို့အား ဆွမ်းဆန်စိမ်း နှင့် ဝတ္ထုငွေများ ဆက်ကပ်လောင်းလှူခဲ့သည်။